Antoine Kazzi Oamأقلام
أنطوان القزي -كذبة أول نيسان
سيدر بوست
بقلم أنطوان القزي رئيس تحرير جريدة التلغراف الاستراليه وموقع سيدر
كذبة أول نيسان
تخبّيت بأوّل نيسانْ
بلكي الكذبِه بتنساني
وعّيتْ الصبح النعسان
حبسْت الشمس بفنجاني
تركوا عصافيري الأغصان
وصاروا بتشرين التاني
سرقتْ الياسمين اللي كان
يعصرْ عطر ببستاني
وغيّرتْ ببيتي الألوان
وسْكنْتْ بمطرح تاني
من حالي طلعْت وهربان
سنيني صارت قرفانِه
تعتير وسَمّة أبدان
والقلِّه ما بتنساني
وبالبُعد زْرَعْت الألحان
وشفت الدنيي فرحانِه
لكن حظّي هالتعبان
بدّو إمشي خليفاني
فجأة بيطلعلي نيسان
بتاني كذبِه لاقاني
قلّي لا تسكرْ يا فلان
مهما عدّيت قناني
رحْ تبقى تحصد بالشوك
ما دامْ إسمكْ لبناني
رابط مختصر –https://cedarpost.com.au/?p=9575
